By King Metrillo

Ang tulang “Awit ng Manlalakbay”

ng bayaning si Gat Jose Rizal

Ay isang gawang magandang tunay

Nagpapakita ng puso’t dangal.

Ang manlalakbay na lumilibot

sa buong daigdig ay matapang.

Ngunit napupuno daw ng takot,

nagpapanggap na magiting lamang.

Ang tula ay aking nagustuhan

sapagka’t ito ay bumubuwag

sa nakasanayang kaibahan

ng kung sinong matapang at duwag.

Magiting man sa mata ng iba

Paslit pa ring alaga ng ina.